اما ايراني ها اون قديما هر ماه اتا روز ره که ونه نوم،اسم ماه جا اتا بيه، جشن گيتمي.13 تيرماه که ونه نوم تيرهسه ره هم امه اجداد جشن گيتنه.

بنا به خبر برسي به مازندنومه،جشن تیرگان گرامی داشت تیشتر-ستاره ی وارش -وسه هسه و چند سالیه به همت تعدادي از علاقه مندان فرهنگ و طبیعت،شهر خجير رینه دله مراسمي برگزار بونه.

بر اساس اينتا گزارش،برنامه روز ملي دماوند و جشن تيرگان، جمعه 17 تیرماه، دانشگاه پیام نور رينه دله برگزار بونه.

 کیخسرو یزدانی- عضو انجمن دوست داران دماوند و از اعضای اصلی برگزاری این جشن-با بهوتن اينکه قراره امسال اين مراسم خله گسترده تر برگزار بوه،ادامه هادا:جشن امسال ره به اتا فستیوال متنوع تبديل کمبي و برنامه هایی سون سخنرانی ، نقالی ، شعر خونی ، اجرای چهار گروه موسیقی،جشن آب پاشان، رصد دماوند تلسکوپ جا ، برپا هاکردن سیاه چادر عشایر ،کارگاه مجسمه سازی و نقاشی ، نمایشگاه کتاب و عکس ،کارگاه آموزش گردشگری ، کارگاه موسیقی و سرود و... اين روز دله برگزار بونه.

خاره بدونين این مراسم از ساعت 10 تا 15 ، فضای باز دله به بازدید از غرفه ها اختصاص دارنه و بعد،ساعت 18  سالن همایش دانشگاه دله بقيه برنامه ها دنبال بونه.

  این همایش با همکاری انجمن دوستداران دماوند ، انجمن کوهنوردان ایران (دیدبان کوهستان دکا) و دفاتر نمایندگی شهرهای مازندران ، دانشگاه پیام نور رینه ، بخشداری لاریجان ، شورای اسلامی رینه و شهرداری رینه انجام گرنه و حضور برای عموم مردم آزاد هسه.